Gidayeg ni kanhi world’s number 1 tennis star Novak Djokovic ang kasikat karon sa Pinay tennis star nga si Alex Eala. Si Djokovic maoy usa nga nakasaksi kung giunsa pagsuporta sa mga Filipino fans sa Australia si Eala.
Iyang nakita nga dihang bag-o lang nakadula ang 20-anyos nga si Eala, napuno na dayon ang playing court sa Australia.
Ang Serbian tennis star midugang pag-ingon nga si Eala kinahanglan nga ibutang sa mas dako nga korte tungod sa kadaghan sa mga spectators sa iyang pagdula.
Bisan napildi ang world’s number 49 sa unang hugna batok kang Alycia Parks sa US, daghan gihapon ang misuporta kaniya.
