Nagatoo si Lucanus Azrael Igot, usa ka geopolitical scientist, nga mas dako ang bentaha sa Pilipinas kung palig-onon niini ang relasyon sa nasud nga China.
Namahayag si Igot sa Bombo Radyo nga dako ang ikatabang sa ekonomiya sa nasud ang pakig-trade sa China, ilabi na nga magsilingan lamang ang duha ka nasud.
Matod pa niya, mas makabarato ang Pilipinas sa gasto sa transportasyon kung ang duha ka nasud magtinabangay sa ekonomikanhong aspeto.
Tungod sa dako nga volume sa produksyon sa mga Chinese nga negosyante, mas barato ang ilang mga commodities, nga mahimong mapuslan sa merkado sa Pilipinas.
Sa kasamtangang kahimtangan sa nasud, giingon ni Igot nga angay nga mag-play safe ang Pilipinas ug likayan ang pag-apil sa mga kagubot sa ubang nasud.
Dugang pa niya, pinaagi sa pakig-higalaay sa ubang mga nasud, mas dako ang tsansa nga malikayan sa Pilipinas ang posibleng mga kagubot sa umaabot
