Gi-anunsyo ni Presidente Ferdinand Marcos Jr., nga nasugdan na’g gamit sa gobyerno ang pondo alang sa health care services nga usa sa iyang top priority agenda sa General Appropriations Act of 2026.
Si Marcos, maoy nangulo sa ground breaking ceremony sa Pamantasan ng Lungsod ng Maynila (PLM) College of Allied Health Sciences Building.
Miingon ang presidente nga ang lima ka andana nga pasilidad nga tukoron sulod sa Ospital ng Maynila Medical Center complex sa Malate maglakip sa modernong mga classrooms, laboratoryo, simulation rooms, ug research facilities nga gidisenyo aron matudluan ang umaabot nga mga propesyonal sa healthcare.
Namahayag ang presidente nga ang proyekto magpalapad sa hospital-based medical training ug makapahimutang sa kapin sa 7,200 ka dugang estudyante sa medisina ug allied health programs.
Siya miingon nga g conversion ug retrofitting sa karaang pasilidad sa OMMC ngadto sa bag-ong PLM building nagpakita sa episyente nga paggamit sa mga rekurso samtang gitubag ang kakulang sa healthcare workers sa nasud.
