Nakaginawa na’g lawom si Pres Bongbong Marcos batok sa duha ka impeachment cases nga nakaabot sa House Justice Committtee.
Kini human dawata sa liderato sa Kongreso ang committee report ni Batangas 2nd District Rep.Gerville Abanilla Reyes-Luistro nga unang nagbasura sa maong mga reklamo batok Marcos tungod sa kulang nga substansiya.
Gipasabot ni Luistro sa iyang pag-atubang sa Kongreso nga angay lamang mabasura ang mga pasangil batok Marcos kay wala kini mga lig-ong basehan ug kutob lang sa mga tsismis.
Kini ang rason nga anaa sa 284 ang pabor, walo ang supak ug 4 abstain sa pagbotar sa mga kongresista sa plenaryo bag-uhay lamang.
Gihatagan sa higayon makapadayag ang pipila ka kongresista sa ilang mga baruganan apan wala na’y nahimo sa maong hukom.
Hinoon,wala na nakurat ang mga kritiko sa administrasyon kay daan na sila naglaum nga dili molampos ang pagpapha sa katungdanan ni Marcos.
Sa pagkutlo ning balita, wala pa’y gipalanog nga reaksyon ang Malakanyang kabahin sa nakab-ot nga lakang nga nag-absuwelto sa presidente.
