NAGPAHIMANGNO ang mga HIV advocates sa mga batan-on, ilabi na kadtong adunay risky sexual behaviors, nga magpa-test sa ilang HIV status aron masuta kung reactive ba sa maong sakit.
Sumala ni Iliganon advocate Elmer Masuta Jr, mas maayu nga ma-access sa publiko ang libre nga HIV testing sa gobyerno aron masayran dayon ang kahimtang sa ilang panglawas.
Gipasabot usab ni Masuta nga ang sayu nga deteksiyon sa HIV makatabang sa mga tawo nga makadawat og sayu nga interbensyon ug medication, aron malikayan ang pagprogreso sa sakit ngadto sa AIDS.
Gidugang niya nga ang responsableng pagpakigrelasyon, paggamit sa proteksyon, ug regular nga testing mao ang yawe aron mapanalipdan ang kaugalingon ug ang uban gikan sa HIV. (James Oliver)
