Giserohan ang team Filipinas ang South Korea sa bag-uhay lang nahuman nga match up sa AFC Women’s Asian Cup, didto sa Robina Stadium sa Australia.
Halos wala maka porma ang mga magdudula sa nasud dihanh gidominar sa mga Koreans sugod sa ilang unang iskor nga nakuha sa unang 15 minutos sa dula pinaagi ni Yu-Gyeong Jeon.
Nadugangan pa ang iskor sa langyaw nga team pinaagi sa puntos nila Soo-Jeong Park, ug Mun Eun-Ju sa ikaduhang half.
Gamay ra ang possession ug shot attempts sa Filipinas itande sa Korea, nga nagpakita sa managlahing kusog ug taktika.
Tungod sa resulta ang Filipinas nagpabilin nga walay puntos sa Group A, ug kinahanglan nilang mudaog sa sunod nilang dula kontra Iran aron mabuhi pa ang ilang paglaum sa quarterfinals.
