Gipasabot sa Cagayan de Oro First Taxi Drivers Alliance (CAFITADA) nga dili pa mapatuman ang fare increase sa mga taxi tungod kay wala pa silay bag-ong kalibrasyon sa metro.
Kini ang pamahayag ni Bernie Jamaca, presidente sa CAFITADA sa interbyu sa Bombo Radyo.
Miingon si Jamaca nga kinahanglan una ang teknikal nga proseso aron maaprubahan ang pagsaka sa singil sa pletihan sa mga taxi.
Iyang gitin-aw nga makigkoordinar pa sila sa Land Transportation Franchising and Regulatory Board (LTFRB) aron masiguro nga legal ug husto ang proseso sa fare hike.
Mipasabot si Jamaca nga ang ilang grupo nagtinguha nga maprotektahan ang interes sa mga drayber nga naapektuhan sa pagsaka sa presyo sa lana.
Gani, una nilang gipetisyon ang 65 pesos nga flagdown rate, apan, wala pa kini gi-aprobahan sa LTFRB.
Ang CAFITADA nagpadayon sa pagpaningkamot nga makab-ot ang patas nga solusyon alang sa tanan.
