Wala miduyog ang grupong United Drivers Association (UNIDO) sa lapad nga transport strike ug welga sa grupong PISTON o Pagkakaisa ng mga Samahan ng Tsuper at Opereytor Nationwide, ning adlawa.
Namahayag si Joel Gabatan, presidente sa UNIDA nga inay welga ug transport pahulay, mulusad sila sa ilang pulong sa Brgy Kauswagan, aron han-ayon ang ilang kongretong laraw batok sa naghinobra nga pagsaka sa presyo sa lana, nga mi-apektar sa kinitaan sa ilang mga miyembro.
Sa miaging adlaw, namahayag si Gabatan nga ipadayon nila ang pagduso sa ilang sugyot sa umento sa pletihan, dungan ang pagsingil sa gobyerno sa ilang gipasalig nga cash ayuda gikan sa Department of Social Welfare and Development pinaagi sa Assistance to Individuals in Crisis Situations o AICS, ug ang gisaad nga fuel subsidy gikan sa Land Transportation Franchising and Regulatory Board (LTFRB-10) nga gi-ingong makuha na sugod Marso 17.
