Giila ni Vice President Sara Duterte ang sakripisyo sa mga Overseas Filipino Workers (OFWs) sa Middle East.
Sa iyang Lenten Message, nagpadumdum ang bise president nga sila ang buhi nga ehemplo sa tiunay nga sakripisyo, busa wala kini laing pangaliyupo sa kahitas-an kundili ang ilang seguridad ug kaluwasan kung asa man sila nahimutang karon.
Alang kang Duterte, ang Semana Santa maoy usa sa labing sagrado nga kalikuhan sa mga Pilipino.
Siya miingon nga kini ang panahon nga makapanghinuklog ug mapanaminan ang sakripisyo sa Labaw nga Makagagahom aron padumduman ang atong kaugalingon sa tinood nga bili sa kinabuhi, ug kini makaplagan lamang pinaagi sa pagserbisyo sa katawhan.
Nagtoo usab si VP Sara nga ang kalihimom sa mga adlaw sa Semana Santa maoy maghatag dalan sa pagsusi tumong ug tinguha sa tawo para sa iyang kaugalingon, para sa pamilya ug alang sa nasud.
