Sa unang tatlong buwan sa 2026, nakadakop ang PNP sa kapin sa 16,784 ka mga indibidwal.
Ilang nakompiskar ang iligal nga droga nga nagkantidad sa kapin P11 bilyon.
Kini naglakip sa shabu, marijuana, cocaine, ecstasy ug kush nga gi-operahan sa kapin 14,550 ka anti-narcotics operations sa tibuok nasud.
Sugod Enero 1 hangtud Marso 30, mikabat 14,550 ang operasyon sa Philippine National Police (PNP).
Lakip sa ilang nasikop ug napaslak sa prisohan kasagaran nga batan-on.
Mga Droga nga Nakumpiska
– Shabu: 619.82 kilos
– Dried marijuana leaves: 2,800 kilos
– Marijuana plants: 619,820 tanom
– Cocaine: 1.816 kilos
– Ecstasy: 166 kilos
– Kush (high-grade marijuana): kapin sa 4,000 kilos
Namahayag si PNP Chief Jose Melencio Nartatez nga ang resulta sa operasyon nagpakita sa padayon nga kampanya batok sa iligal nga droga ug nagpalig-on sa mensahe nga walay tawo nga labaw sa balaod.
Ang mga nakumpiskar nga droga gi-ila nga dakong kadaot sa kabatan-onan ug komunidad kon kini makalusot sa merkado.
Subay sa data anaa sa dakung ihap sa mga batan-on ang nadaot sa pagkonsumo sa marijuana ug ecstasy.
Kini nagpasabot nga target sa merkado ang kabatan-onan, nga kinahanglan sa mas lig-on nga edukasyon ug kampanya sa eskuwelahan.
Daku ang impact sa ekonomiya sa kapin P11 bilyon nga kantidad nga nakompiskar kay kini nagrepresentar sa pagkawala sa iligal nga merkado, apan nagpasabot usab nga dako ang demand nga kinahanglan pugngan.
Ang kapin 16,000 ka naaresto nagpasabot nga daghang pamilya ug komunidad ang naapektuhan sa iligal nga kalihokan.
