Nagmalampuson ang pag-apod-apod sa cash assistance alang sa mga motorela drivers ug operators sa syudad nga gihimo sa DSWD-10 ug LGU niadtong Abril 8.
Gipadayag ni Janboy Actub, spokesperson ni Mayor Uy, nga anaa sa 95 porsyento sa mga benepisyaryo — o 1,346 ka drivers ug operators — ang nakadawat na sa ilang ayuda, samtang 50 pa ka benepisyaryo ang wala pa makakuha ug kasamtangang gi-follow up na sa opisina.
Tungod sa paspas ug organisadong pag-apod-apod, mapasalamaton ang lokal nga gobyerno sa Department of Social Welfare and Development sa maayong koordinasyon tali sa mga nagkadaiyang opisina.
Gipunto ni Actub nga ang hinanaling pag-apod-apod resulta sa gimugna nga crisis committee ug sa gipapasar nga executive order sa energy emergency sa syudad, nga nahimong dalan aron makakuha ang syudad og igong pondo para matabangan ang mga motorela drivers sa ilang adlaw-adlaw nga panginahanglan sa gasolina.
Sa nahitabong pay-out, nakadawat ang mga drivers og ₱7,000 cash assistance — ₱5,000 gikan sa national government ug dugang ₱2,000 gikan sa lokal nga panggamhanan. (by James Oliver)
