Nabahin ang reaksiyon sa mga miyembro sa National Confederation of Trade Unions (NCTU) kalabot sa gi-anunsyo ni Presidente Ferdinand Marcos Jr nga “service contracting program” sugod Abril 15.
Sa exclusive interview sa BOMBO RADYO kang Jaime Aguilar, spokesperson NCTU, siya miingon nga tataw nga adunay napaboran sa gipatuman nga programa, ilabe na nga aduna silay mga miyembro sa transport group nga lubong na sa utang ug lisud mamasada kay nalukong lang sila sa usa ka ruta itande sa mga uban nga naka benepisyo sa Local Public Transport Route Plan (LPTRP) o nagbaton sa daghang ruta.
Unang namahayag si Presidente Marcos nga pinaagi sa gipakusog nga “service contracting” bayaran sa gobyerno ang mga drayber ug operator sa public utility vehicles (PUVs) kada kilometro nga biyahe, gawas pa sa ilang makolekta nga pamasahe.
Kini gituyo aron madugangan ang kita sa mga drayber ug mapadali ang “Libreng Sakay” program alang sa mga pasahero, ilabi na sa panahon sa krisis sa lana ug taas nga presyo sa palaliton
