Giklaro sa buhatan sa LTFRB-10 nga ₱5,000 gayud ang subsidy alang sa mga taxi drivers, samtang ₱1,500 lamang ang para sa mga PUV drivers.
Sa pakighinabi ni LTFRB Region 10 Director Aljo Bendijo sa Bombo Radyo, iyang giingon nga adunay nahitabong mixed-up sa proseso sa ayuda maong nagkalibog ang ubang drayber sa tinuod nilang madawat.
Dugang pa niya, ang mga PUV drivers ₱1,500 pesos lamang ang makuha tungod kay nakadawat na sila og ₱5,000 gikan sa DSWD pinaagi sa AICS program.
Giklaro usab sa direktor nga ₱6,500 lamang ang maangkon sa matag driver ug dili ₱11,500.Samtang sa kaso sa mga taxi drivers nga ₱1,500 lang ang nadawat, iyang giingon nga ang kulang nga ₱3,500 kasamtangang gilihok na aron mahatag ngadto sa mga kwalipikadong benepisyaryo human sa pag-update sa ilang rekord.
Sa pagkakaron, gi-awhag sa direktor ang mga drayber nga nakadawat og kulang nga ayuda nga mosumite sa sakto nga dokumento ug magpresentar sa screenshot nga nagpamatood nga ₱1,500 ra ilang nadawat, aron mapaspas ang pagproseso sa nahibiling ayuda.
