Wala magustohi sa mga traditional jeepney drivers ang pagpatuman sa service contracting program sa syudad, ilabina nga daghan pa kanila ang wala nakadawat og ayuda ug fuel subsidy.
Sa pamahayag sa Bombo Radyo, si Emmanuel Espinosa, presidente sa Bonbon Drivers Association (BONODA), nag-ingon nga nagpadayon ang problema sa sistema sa paghatag sa ayuda, diin pipila ka mga drayber wala pa gihapon makadawat sa benepisyo sa programa.
Dugang pa niya, mas nisamot ang kalisod sa kahimtang sa mga drayber tungod sa kakulang sa klarong suporta gikan sa lokal ug nasyonal nga programa.
Gi-punting usab niya nga ang kasamtangang paggamit sa digital space sa distribusyon sa fuel subsidy nagdala og kabalaka sa sektor sa transportasyon, kay basin mahimong lahi na usab kini nga matang sa korapsyon.
Rason niini nga ang uban wala makadawat sa ilang ayuda, ug kung nakadawat man, kulang gihapon.
