Pending pa sa Korte Suprema ang petition for certiorari ug prohibition nga gisang-at sa kampo sa Hakbang ng Maisug kalabot sa duha ka impeachment complaint batok kang Vice President Sara Duterte.
Sa exclusive interview sa BOMBO RADYO kang Atty Vic Rodriguez, ang lead convenor sa MAISUG, siya miingon nga gihangyo nila ang Korte Suprema nga mangilabot aron klaruhon ang constitutional boundaries sa maong impeachment process.
Iyang gibutyag nga gusto masuta nilang mga abogado kung walay nalapas nga teknikalidad ang gipamugos sa House Committee on Justice nga tinuod ug buhi ang deliberasyon nga nahitabo sa Kamara sa wala pa gipasa sa plenaryo ang kaso, lakip na ang pag-aginod sa mga articles of impeachment sa senado.
Gibutyag ni Rodrigiez nga ang ilang kampo nagduda sa pamaagi sa House Committee on Justice sa pagdawat ug pagproseso sa duha ka reklamo batok kang VP Sara Duterte, ilabi na sa aspeto sa “prematurity” sa deliberasyon ug sa pagpasaka sa articles of impeachment sa Senado nga wala pa makompleto ang plenary action sa House of Representatives.
Si Rodriguez nagpasabot nga ang ilang hangyo mao ang paghatag sa klaro nga giya sa hudikatura aron malikayan ang posibleng abuso sa proseso ug aron masiguro nga ang impeachment dili mahimong instrumento sa pulitika nga walay lig-on nga basihanan.
Ang MAISUG nagtuo nga ang Korte Suprema adunay papel sa pag-interpret sa constitutional boundaries ug sa paghatag sa check and balance sa aksyon sa Kongreso.
Kung mauyunan sa Korte Suprema ang ilang petition, posible nga mahatagan sa precedent-setting ruling nga maklaro kung unsa gyud ang hustong proseso sa impeachment, lakip na ang papel sa committee deliberations, plenary approval, ug ang transmission sa Senado.
