Adunay dakung epekto sa mga tinun-an, magtutudlo ug mga ginikanan ang linog nga nasinati sa Mindanao sa unang adlaw sa pagbukas sa klase.
Kini ang assessment ni Psychiatric Nurse nga si Julie Mae Maisog-Robles. Miingon si Robles sa Bombo Radyo nga taas ang posibilidad nga adunay mga tinun-an ug magtutungha nga mibati sa tumang ka-nerbyos ug kabalaka dihang sila personal nga nakasaksi sa mga nanglumpag nga mga gambalay sa tunghaan, ug bisan gani, ang mga mamumuo nga nakakita sa pagkahugmak sa ilang gitrabahuan, dihang miigo ang 7.8 magnitude nga linog sa Davao Region, General Santos City ug pipilang bahin sa Saranggani Province.
Silang mga grabeng naapektuhan posibleng magbaton sa post-traumatic stress disorder (PTSD) ug daku kinig disbentaha sa ilang mentalidad o mental health.
Aron kini maalibyuhan, girekomendar ni Nurse Robles sa gobyerno nga ipaubos ang mga biktima sa linog sa psychological first aid aron sili maka-rekober gikan sa gibating kalisang
