Nagtabla ang Belgium ug Egypt sa ilang opening match sa Group G sa FIFA World Cup 2026, human natapos ang dula sa score nga 1–1 didto sa Seattle Stadium kagahapon (oras dinhi sa pilipinas).
Giunhan sa Egypt ang Belgium human naka-goal si Emam Ashour sa 19th minute, apan dako ang nahimong impact sa pagsulod ni Romelu Lukaku sa ikaduhang bahin.
Tungod sa pressure ni Lukaku, nakamugna og own goal si Mohamed Hany sa 66th minute, nga maoy naghatag sa equalizing goal alang sa Belgium.
Bisan pa sa bangis nga engkwentro ug mga kahigayonan nga makadaog unta ang duha ka kampo, nagpabilin ang 1–1 nga score hangtod sa pagkahuman sa 7 minutos nga stoppage time.
Tungod niini, parehong nakakuha og 1 puntos ang Belgium ug Egypt sa ilang grupo samtang nagpadayon ang ilang kampanya sa torneo.
