Gikumpirmar sa imbestigasyon nga gilusad sa Philippine National Police (PNP) ug sa Department of Interior and Local Government (DILG) ang dungan nga pagkalumos ug pagkamatay sa duha ka magdudula sa Ateneo Men’s Basketball Team samtang nagpahigayon og usa ka team-building activity didto sa Dipaculao, Aurora.
Miingon si DILG Secretary JonVic Remulla nga nahitabo ang makasubo nga trahedya niadtong Hunyo 8, 2026, samtang nagbansay-bansay ang mga biktima sa dagat dapit sa alas-2:30 sa hapon.
Giasoy sa report nga kalit nga mitaub ug mikusog ang mga balod hinungdan nga naanod ug nakuha ang lawas mga magdudula padulong sa lawom nga bahin sa kadagatan.
Subay sa gihimong pakisusi, angsea-water training gi-organisar ug ubos mismo sa pagdumala ni Head Coach Tab Baldwin.
Gitapos sa opisyal ang iyang pamahayag pinaagi sa pagpakita sa hulagway sa tibuok team nga nailhan usab sa ilang slogan nga “Blue Eagles Band of Brothers” o BEBOB.
