Nasakmit sa kuha sa Senegalese Football Team ang dominanteng 5-0 nga kadaugan batok sa Iraq nga adunay 10 na lang ka magdudula sa Toronto Stadium, alang sa ilang kataposang dula sa Group I sa 2026 FIFA World Cup.
Ang dako nga kadaugan gipangulohan sa mga krusyal nga puntos gikan ni Habib Diarra, Ismaïla Sarr, Pape Gueye nga nakaduha’g pasulod sa goal, ug laing usa ang napasulod ni Iliman Ndiaye.
Hisayran nga nausab ang dagan sa kompetisyon human gipagawasan sa straight red card ang defender sa Iraq nga si Rebin Sulaka sa ika-13 nga minuto tungod sa pagpugong sa klarong kahigayonan sa pag-iskor.
Kining dako nga labaw nakatabang sa pagpauswag sa goal difference sa Senegal human sila nakasulod sa match nga nagbitbit ang negatibong baroganan.
Tungod niini, napahimutang na karon ang koponan sa Africa sa usa ka lig-ong posisyon aron makaabante sa round of 32 isip usa sa walo ka labing maayong third-placed teams sa torneyo
