Dili na bag-o ang political differences sa matag nasud apan gipunting ni Lucanus Azrael Igot, usa ka ekonomista, nga importante nga makita gihapon sa usa ka nasud nga nagdagan ug naay ngipon ang justice system niini para dili makaapekto sa mga posibleng investors sa nasud.
Dugang pa sa maong eksperto, ang pagpakita sa Rule of Law ilabi na sa mga proseso sama sa impeachment trial maoy yawe aron magpabilin ang kompyansa sa mga langyaw nga negosyante.
Bisan pa man sa tensyon sa politika, giklaro niya nga mahimong magpabilin ang kalig-on sa ekonomiya basta mipatigbabaw ang hustisya ug dili mababagan ang dagan sa merkado.
Para kaniya, ang pagtutok karon sa impeachment trial sulod sa 90 ka adlaw dili man diritso maka apekto sa ekonomiya sa nasud, apan nagpabilin kini nga usa ka hagit nga kinahanglang balansehon sa gobyerno.
