Misaka na sa ihap 3,075 ang mga kaso sa Ebola sa Democratic Republic of Congo ug 1,354 niini ang namatay base sa datos sa gobyerno niadtong Hulyo 26.
Ang Bundibugyo strain mao ang hinungdan sa outbreak ug wala pa’y bakuna o tambal nga aprubado batok niini.
Labaw pa sa usa ka gatus ka health workers ang natakdan ug 35 niini ang namatay samtang naglisod ang mga ospital sa Ituri ug North Kivu tungod sa kakulang sa pasilidad ug rekurso.
Sa kasamtangan, nagpasidaan si Africa CDC Director-General Jean Kaseya nga kung dili kini mapugngan karon mahimo kining pinakagrabe nga Ebola outbreak nga natala sa kalibutan.
