Gi-imbento lang ug walay ebidensya ang pasangil batok sa pamilyang Duterte sumala ni kanhi PHIVIDEC Administrator Pompee La Viña.
Gisaway sa kanhi opisyal ang taho ni kanhi Senator Antonio Trillanes bahin sa 181.6 milyon pesos tungod kay wala kini ma-certify sa mga awtoridad alang sa korte.
Gipadayag ni La Viña nga inay usikan ang panahon sa aksyon nga walay basihan, mas maayong sulbaron sa gobyerno ang taas nga presyo sa palaliton ug ang kulang nga suplay sa tubig.
Gitawag usab niini nga purong politika ang kontrobersiya aron gub-on ang imahe ni Vice President Sara Duterte nga nag-una gihapon sa mga pilianan alang sa 2028 elections.-
