Alex Eala, miabante na sa quarterfinals sa Pan Pacific Open human niini gibuntog si Talia Gibson

Nagpakita og kalig-on si Filipina tennis star Alex Eala human niya mabuntog si Talia Gibson sa Australia, sa iskor nga 4-6, 6-2, 6-0, sa round of 16 sa 2026 Pan Pacific Open sa Tokyo, Japan, kagahapong adlawa.

Human mapildi sa unang set, nakabawi ang world No. 19 nga si Eala pinaagi sa pagdaog sa sunod nga duha ka set, lakip ang pagkuha sa tanang unom ka duwa sa katapusang set.

Nitala si Eala og siyam ka ace ug nakadaog og walo ka sunod-sunod nga duwa atol sa iyang pagbangon, samtang gipasiugda niya ang kamahinungdanon sa pagpabiling nakapokus ug dili pagsurender bisan pa sa kalisdanan sa sinugdanan sa duwa.

Tungod sa maong kadaugan, miabante na si Eala ngadto sa quarterfinals diin iyang atubangon pag-usab ang world No. 13 nga si Diana Shnaider sa Russia, nga mipildi kaniya sa round of 16 sa Ningbo Open sa miaging semana. (raniel mahunyag)