Gisaway sa Professional Criminologists Association of the Philippines o PCAP ang pahayag ni NAPOLCOM Vice Chairman Atty. Rafael Vicente Calinisan batok sa nag-viral nga criminology intern nga walay helmet sa highway.
Gitin-aw ni PCAP National President Dr. Gerry Janubas Caño nga bisan nakighiusa sila sa pagdisiplina sa mga estudyante, dili makatarunganon ug walay igong basehanan ang paghimo og sweeping statement nga supak sa balaod ang tibuok komunidad sa kriminolohiya.
Gidugang sa opisyal nga imbes daoton ang imahe sa mga intern, mas maayong sutaon sa NAPOLCOM kon ngano wala usab mapatuman sa kapulisan ang lagda sa kadalanan.
Busa, gipahinumdoman sa grupo ang panggamhanan nga magmatngon sa pagpagawas og pahayag aron dili maghatag og sayop nga impresyon sa publiko.
