Si Pope Leo XIV nagpahinumdom sa mga atleta sa Villanova ug Notre Dame nga ang pagkabalaan nagkinahanglan og adlaw-adlaw nga gugma ug kinabuhing walay katapusan.

Nagpahinumdom si Pope Leo XIV nga walay tawo nga natawong kampyon, sama nga walay natawo nga santos.

Gipahayag sa Santo Papa ang maong pahinumdom isa ka adlaw sa dili pa ang All Saints Day ngadto sa mga atleta ug mga tigpaluyo gikan sa Villanova ug Notre Dame.

Matud pa sa Santo Papa, ang kabalaan kay nagkinahanglan og adlaw-adlaw nga pagbansay sa gugma.

Giabi-abi usab sila sa Santo Papa sa ilang pag-abot sa Vatican sa dili pa ang ilang basketball doubleheader sa Roma ug giawhag sila nga tugotan ang matag bahin sa ilang kinabuhi, sama sa paugnat sa kusog nga motabang kanila sa pagtubo sa gugma alang sa Diyos ug sa ilang isigkatawo.

Dugtong niini, mipahayag usab ang Santo Papa nga ang tinuod nga tumong sa tawo, labaw pa sa pagdaog sa bisan unsang lumba, mao ang pagkab-ot sa kinabuhing walay katapusan. (raniel mahunyag)

RELATED ARTICLESMORE FROM AUTHOR