Miabante na si Filipina tennis star Alexandra “Alex” Eala sa final sa 2026 Prudential Hong Kong Tennis Open human niya gipildi ang Griyegong si Maria Sakkari, sa iskor nga 7-5, 3-6, 6-4, sa ilang semifinal match karong Sabado, Nobyembre 7, 2026.
Ang ikaduhang seeded sa torneyo nga si Eala kay milahutay sa balik-balik nga paghunong sa duwa tungod sa ulan aron masiguro ang iyang pag-abante sa championship round batok kang Sakkari, nga kanhi world No. 3 ug kasamtangang world No. 30.
Sa katapusang set, nakalabaw si Eala sa iskor nga 4-1, apan nakaapas si Sakkari ug nakatabla sa 4-4.
Bisan pa niini, napabilin ni Eala ang iyang kalig-on ug nadaog ang sunod nga duha ka duwa aron maselyohan ang iyang kadaugan ug makasulod sa final.
Atubangon niya sa championship match ang Amerikanang si Claire Liu, nga ika-102 sa kalibutan, human niini gipildi si Alexandra Shubladze sa laing semifinal match, sa iskor nga 7-5, 6-4. (raniel mahunyag)
