Gipirmahan sa mga opisyal sa pamatigayon sa 11 ka miyembrong nasud sa Association of Southeast Asian Nations (ASEAN) ang ASEAN Digital Economy Framework Agreement (DEFA) aron magtukod og hiniusang mga lagda nga magpasayon sa digital trade tali sa mga nasud, pagbalhin sa datos tabok sa mga utlanan ug paggamit sa elektronikong mga sistema sa pagbayad.
Gihulagway ang DEFA isip usa ka dakong kalampusan ug unang kasabutan sa kalibutan nga naglangkob sa tibuok rehiyon alang sa digital economy, nga nagtumong sa pagpalapad sa mga oportunidad sa merkado ug pagtabang sa mga micro, small and medium enterprises (MSMEs) nga makaapil sa mga kadena sa rehiyonal nga produksyon ug pamatigayon.
Naglakip usab ang kasabutan sa kooperasyon sa mga miyembrong nasud sa pagpalig-on sa cybersecurity, pagsiguro sa kaluwasan sa mga transaksiyon sa internet ug pagpanalipod sa mga konsumidor.
Matud ni Department of Trade and Industry (DTI)Secretary Cristina Roque, gilauman nga makatabang ang DEFA sa pagpalambo sa digital economy sa ASEAN, kansang gibanabanang kantidad mokabat sa duha ka trilyong dolyares sa tuig sa 2030, gikan sa usa ka trilyong dolyares karon, kon epektibong ipatuman sa mga gobyerno ug negosyo ang gikinahanglang mga palisiya, imprastraktura ug puhunan. (raniel mahunyag)
.jpg "Palasyo, gipatin-aw ang rason sa pagbalhin sa mga opisyal sa gabinete sa administrasyong Marcos")
