Nagsugod na ang sayong pagpangandam sa Republican Party alang sa 2028 US Presidential Election. Tuklasin ang mga posibleng Republican Presidential Candidates 2028 at ang impluwensya ni Trump.

Nagsugod na sa sayong pagpangandam ang mga kaalyado ug tigpaluyo sa pipila ka posibleng kandidato sa Republican Party alang sa 2028 US presidential election human sa dakong kapildihan sa partido sa 2026 midterm elections.

Giisip gihapon si US Vice President JD Vance nga usa sa mga nag-unang posibleng kandidato, apan nagbukas usab ang resulta sa eleksiyon og higayon alang sa ubang mga personalidad sama nila US Senator Ted Cruz, Florida Governor Ron DeSantis ug kanhi Virginia Governor Glenn Youngkin nga posibleng makigkompetensiya alang sa nominasyon sa partido.

Sa pagkakaron, nagtimbang-timbang pa ang mga posibleng kandidato ug ilang mga kaalyado sa kahimtang sa politika ug sa epekto sa ubos nga popularidad ni Presidente Donald Trump, samtang ang mga dagkong donor ug political strategist nagtan-aw sa posibleng dagan sa lumba alang sa nominasyon.

Bisan pa sa timailhan ni Trump nga mahimo siyang dili mangilabot sa Republican primary ug dili mo-endorso og kandidato, gilauman gihapon nga adunay dakong impluwensiya ang iyang pagpaluyo sa pagpili sa opisyal nga kandidato sa partido. (raniel mahunyag)