Gipahugtan sa PNP ang ASEAN Summit Security alang sa nahibiling aktibidad. Basaha ang detalye sa mga lakang sa seguridad ug ang pahayag sa PNP bahin sa mga raliyista.

Gipahugtan sa Philippine National Police (PNP) ang mga lakang alang sa seguridad sa nahibiling aktibidad sa Association of Southeast Asian Nations (ASEAN) Summit sa nasud.

Dungan niini, gipatin-aw sa PNP nga wala nila gidid-an ang mga nasikop nga raliyista nga bisitahon sa ilang kabanay ug abogado sa Camp Bagong Diwa sa Raguig City.

Matud ni PNP spokesperson PBGEN Allen Rae Co, nagpatuman sila og mas hugot nga mga regulasyon tungod kay gidala sa usa ka kampo sa kapulisan ang sa mga nasikop nga inidbidwal.

Gawas sa pagpahugot sa seguridad, gisaway usab ni Co ang pagdala sa mga bata sa pipila ka raliyista taliwala sa mga lihok protesta.

Gipasiugda sa opisyal nga posibleng gigamit lamang sa mga militante ang presensiya sa mga menor de edad aron makakuha og simpatiya gikan sa publiko.

Nagpadayon usab ang hugot nga pagbantay sa kapulisan sa mga nag-unang dapit sa panagtigom aron masiguro ang kahusay ug kaluwasan hangtud sa paghuman sa mga aktibidad sa ASEAN. (raniel mahunyag)