
Nagpadayag sa iyang kabalaka si Davao City 1st District Representative Paolo “Pulong” Duterte bahin sa taho nga gihulga matud pa ang kinabuhi sa kanhing house staff ni Vice President Sara Duterte.
Matud ni Duterte, kung tinuod ang maong taho kay usa kini ka seryosong hisgutanan bahin sa kaluwasan ug katungod sa giingong kaniadtong empleyado.
Sunod kini sa pahayag sa tigpamaba sa Bise Presidente nga si Atty. Paolo Panelo nga nakadawat matud pa si Duterte og mensahe gikan sa kanhi household staff niini nga nangayo og tabang samtang anaa sa kustodiya sa pipila ka indibidwal ug gihulga ang kinabuhi niini.
Gitandi usab ni Duterte ang insidente sa unang kaso nga gikalambigitan ni Jefry Tupas, ug mipahayag nga dunay pagkapareho matud pa ang duha ka panghitabo nga nanginahanglan og dinaliang katin-awan.
Gipasiugda usab sa kongresista nga kung adunay kalabotan ang National Bureau of Investigation o uban pang ahensya sa kagamhanan kay angay nga tin-aw sa publiko ang ilang nahimong papel ug manubag ang bisan kinsa nga mapamatud-ang dunay tulubagon.
Gihatagan usab og gibug-aton usab niya og gibug-aton nga dili angayang gamiton ang mga institusyon sa kagamhanan isip hinagiban sa pulitika. (raniel mahunyag)








