PHIVIDEC land swap negotiations with the Philippine Navy could lead to expansion in Cebu & Bukidnon. Discover how this deal impacts PHIVIDEC's future and security.

Nagpadayon ang negosasyon sa PHIVIDEC uban sa Philippine Navy alang sa pagkuha sa 305 ka ektarya nga luna nga himoon untang naval facility, baylo sa usa ka land swap nga magbukas og higayon sa pagpalapad sa PHIVIDEC sa Cebu ug Bukidnon.

Kini ang gibutyag ni PHIVIDEC-IA Administrator ug CEO Atty. Cid Bernedo, sa exclusive interview sa BOMBO RADYO. Gipahayag sa opisyal nga aduna nay direktiba gikan sa Malacañang aron tapuson ug isapinal ang kasabutan sa land swap.

Gilauman nga sugdan sa Navy ang pagtukod sa pasilidad sunod tuig. Ubos sa maong lasabutan, ilisan sa AFP ang kuhaong luna pinaagi sa mga propedad sa Lapu-Lapu City sa Cebu, nga adunay potensyal alang sa port, ug sa Camp Kibaritan sa Bukidnon nga gitan-aw alang sa agro-industrial ug solar farm projects.

Gipasalig usab sa Department of National Defense (DND) ug Armed Forces of the Philippines (AFP) nga mas molig-on pa ang seguridad sa PHIVIDEC sa pagsulod sa Philippine Navy, ilabi na nga nakadawat na sila og dugang 120 ka sundalo alang sa internal security division.

Giklaro usab nga dili ang pagtukod sa naval base ang maghimo sa dapit nga target tungod kay daan nang nag-operate dinhi ang dagkong power plants nga nagsupply og kuryente sa Mindanao, busa mas mapanalipdan pa hinuon ang lugar kon adunay presensya sa Navy.