CAGAYAN DE ORO CITY – Nagka-dako ang ransom money nga gipangayo sa abductors nga naghawid sa negosyante nga nagsilbing sub-contractor nga taga-Cagayan de Oro nga unang nadagit sa Kalilangan,Bukidnon ug gidala sa Lanao del Sur.
Subay sa impormasyon sa Bombo Radyo,gikan sa duha ka milyon,nahimo na kining singko milyones pesos aron mabuhian ang biktima nga si Engr.Abdel Fara Mapandi.
Gibutyag ni PRO 10 spokesperson Lt Col Michelle Olaivar nga walay hunong ang Muslim elders sa pagtabang sa negosasyon aron mapadali ang pagbuhi sa kidnap victim.
Una nang nagkabangi ang biktima ug suspek gumikan sa binahina sa 1.6 million pesos contract sa DITO cell site tower construction sa miaging semana.
