Giklaro sa Armed Forces of the Philippines (AFP) nga ang pag-deploy sa mga Marines sa Senado kabahin lamang sa “standard security procedures” ug dili konektado sa bisan unsang standoff.
Matod ni AFP Spokesperson Col. Francel Padilla, ang maong mga sundalo anaa lamang alang sa “perimeter security” sama sa deployment sa Malakanyang ug sa monumento ni Jose Rizal.
Samtang, gipadayag usab sa Philippine Air Force (PAF) nga nagpabiling “white alert” o normal ang operasyon sa Villamor Air Base sa Pasay City.
Gidugang ni PAF Spokesperson Col. Ma. Christina Basco nga wala silay nadawat nga mando bahin sa giingong aircraft nga gamiton alang sa warrant of arrest gikan sa International Criminal Court (ICC) batok kang Senador Ronald “Bato” dela Rosa
