CAGAYAN DE ORO CITY – Gimanduan sa liderato sa Camp Alagar ang tanang provincial ug city police directors nga dili na magpaka-palpak sa paghatag seguridad sa ilang tagsa-tagsa ka area of responsibility niini.
Gihimo ni PRO 10 spokesperson Lt Col Michelle Olaivar ang pagpaabot sa mensahe sa ilang kadagkuan epekto sa pagkadagit sa negosyante nga nagsilbing sub-contractor sa gitukod nga cell site sa kompanyang DITO sa miaging semana.
Miingon si Olaivar nga kon subli malutsan sa kidnapping incident ang rehiyon,maglisod na’g to-o ang publiko sa ilang gipanulti.
Si Engr Abdel Fara Mapandi ang gidagit sa iyang ka-transaction sa Bukidnon ug gipalukat sa balor 5 milyones pesos sa pamilya samtang gitaguan didto sa Lanao del Sur.
