Gidominar ni Pinay Tennis Sensation Alex Eala ang dula batok Mananchaya Sawangkaew gikan sa Thailand, 6-3, 6-2, aron makasulod sa semifinals sa Birmingham Open niadtong Sabado.
Bisan pa nga naglisod siya sa sinugdanan batok sa Thai netter, nakabawi ang Filipina tennis star ug nakakuha sa momentum sa duwa aron masiguro ang kadaugan sulod sa usa ka oras ug 21 minutos.
Sa ikaduhang set, nakalamang pa si Sawangkaew og 2-1 sa sinugdanan apan nakabawi si Eala ug nakadaog sa lima ka sunod-sunod nga duwa aron hingpit nga tapuson ang match.
Sa unang set, nahimong tabla ang duwa sa 1-1 apan nakadaog si Eala sa upat ka sunod-sunod nga games aron makuha ang dakong 5-1 nga kalamangan ug dayon gisira ang set, 6-3.
Tungod sa kadaugan, duha na lang ka panalo ang gikinahanglan ni Eala aron makuha ang iyang ikaduhang WTA 125 title human niya masakmit ang kampeonato sa Guadalajara niadtong miaging tuig.
