CAGAYAN DE ORO CITY – Gi-konsiderar sa kapolisan nga sulbad na ang kasong pagtulis sa gas station bisan nga wala pa madakpi ang pipila ka suspek nga responsable sa Brgy Iponan ning syudad.
Miingon si Cagayan de Oro City Police Office o COCPO spokesperson Lt Col Evan Viñas nga naila na nila ang prime suspect diin kini anak sa kanhi sundalo nga nagpuyo sa Brgy Patag ning syudad.
Gibutyag ni Vinas nga nabawi na usab ang tricab nga gigamit nga get away vehicle nga gibiyaan sa hinterland brgy pipila ka oras gikan sa maong pagpanulis.
Migamit sa kutsilyo ang mga tulisan ug nakuha ang 4-mil pesos nga kinitaan sa maong gas station sa miaging kadlawon.
Hinoon,dili kini ang unang mga hitabo sa tulis nga natigayon sa unang distrito sa syudad diin nasakop ang Brgy Iponan.
Hisayrang mibati’g kahingawa niini ang publiko kay sunod-sunod na ang mga pagpanulis apan miklaro ang Police Regional Office 10 nga nakabase sa Camp Alagar nga walay orgnized crime robbery groups nga nakasulod sa dakbayan.
