CAGAYAN DE ORO CITY – Dismayado si Provincial Governor Peter Unabia sa ka-luag sa pagbantay batok pagkuyanap balik sa African Swine Fever o ASF sa Misamis Oriental.
Kini human gitaho ni Dr. Benjamin ‘Benjie’ Resma,provincial agriculturist sa Misamis Oriental atol sa flag raising nga positibong naigo sa ASF sa lungsod sa Lagonglong ug may mga natala usab nga nangamatay’ng baboy sa Opol.
Miingon si Unabia nga unta dili mag-kinolokoy ang provincial capitol deparment heads ug pipila ka mayores apan sila ang mangunay pagpatuman sa mga palisya ug programa sa kagamhanang probinsyal.
Wala matago ni Unabia ang iyang pagka-dismaya nga human sa taas nga paningkamot sa provincial govt batok ASF infection,nakasulod kini pagbalik ning bulana.
Siya miingon nga makigtagbo kini sa local govt units kauban ang mga opisyal sa DILG-Misamis Oriental aron hisgutan ang maong suliran.
