CAGAYAN DE ORO CITY – Gitakdang kasuhan sa kapolisan sa kasupakan sa Grahpic Health Warnings Law ang 39 anyos nga nagmaneho sa jeep nga kargado sa 550 ka reams sa klase-klaseng sigarilyo nga naharang sa tropa sa 2nd Provincial Mobile Force Company nga ubos sa Lanao del Norte Police Provincial Office sa Purok 1,Brgy Butadon,Kapatagan,Lanao del Norte.
Si Police Regional Office Director Brig Gen Jaysen de Guzman miingon nga giila ang nila ang dinakpan nga si alyas Hasan nga residente sa Brgy Maladig,Picong,Lanao del Sur.
Saysay sa 2nd PMFC troopers ngadto sa Kampo Alagar nga unang nabantayan ang mga sigarilyo nga gisulod sa mga sako nga gibutang sa passenger seat rason nga gilayon kining gipaubos sa imbestigasyon.
Nasuta nga gikan pa sa lungsod sa Tikong,Lanao del Sur ang suspek ug milusot padulong sa Kapatagan ayha nadakpan.
Gikustodiya una sa kapolisan ang dinakpan ingon man ang mga inismagol nga mga sigarilyo.
Hisayrang sobra P200-mil ang kantidad sa mga sigarilyo nga nakompiskar sa mga abtik nga mga pulis nga nakigbatok sa smuggling operations sa mga sindikato nga naglihok sa Mindanao.
