Gipamugos ni Cagayan de Oro–based Criminal Law Expert Atty. Samantha Tan nga apil gihapon sa ihap ang boto nila detained Senador Jinggoy Estrada ug ang nagtagu-tago nga si Senador Ronald “Bato” dela Rosa kon magbotar ang Senado sa bag-ong Senate President.
Iyang gipamugos nga wala pa man silay pinal nga conviction, busa legal ug valid gihapon ang ilang boto.
Gihimo ni Tan ang pahayag human ikumparar si Estrada kang expelled Congressman Kiko Barzaga.
Matod pa niya, lahi ang sitwasyon kay si Barzaga gi-expel na, samtang si Estrada ug dela Rosa wala pa’y hatol nga makapawala sa ilang katungod sa pagbotar.
Dugang pa ni Tan, kung gusto gyud sa bag-ong minority nga dili hatagan sa luna ang boto sa duha ka senador, ang legal nga remedyo mao ang pag-expel o ang pinal nga conviction. Hangtud wala kini mahitabo, apil gihapon sila sa proseso sa Senado
