CAGAYAN DE ORO CITY – Nakurat ug dili makatoo ang kabanayan sa 30 anyos nga babayeng gipusil-patay sa Zone 10,Brgy Sihayon,Tagoloan,Misamis Oriental.
Kini ang masub-anong Facebook post ni Julyca Catalan Macabuat nga paryente sa biktima nga si Bembem Catalan dihang nakompirmar niini ang subo nga hitabo kaganihang udto.
Namahayag kini nga unta gilayong madakpan sa mga otoridad ang mga kriminal nga mihimo sa kremin aron mahatagan sa hustisya.
Dugang pa niini,wala kini makita nga bug-at nga hinungdan nga buhatan sa linu-og nga kremin si Bembem ilabina nga ilado kini sa ilang kabanayan nga maayong tawo.
Naigo sa ulo ang biktima hinungdan sa kamatayon niini.
Gihimuan pa sa dugang imbestigasyon sa Tagoloan Police Station ubos ni Capt Ralph Layug kapolisan ang hitabo samtang ang patay’ng lawas sa biktima ang anaa sa punerarya nga nakabase sa Bulua ning syudad.
