Kumpiyansa si kanhi presidential spokesperson Atty. Harry Roque nga anaa sa “maayong kamot” si kanhi Presidente Rodrigo Duterte sa iyang kaso sa International Criminal Court (ICC).
Nunot kini sa gipatumang kausaban sa defense team ni Duterte, diin ang British barrister nga si Peter Haynes ang gihulip isip lead counsel kang Atty. Nicholas Kaufman, samtang ang Australian lawyer nga si Kate Gibson mao na ang bag-ong associate counsel human sa paghaw-as kang Dov Jacobs.
Gibutyag ni Roque, dako ang kasinatian sa duha ka abogado tungod kay sila mismo ang nagtinabangay sa pagpaluwas ni Jean-Pierre Bemba, kanhi Bise Presidente sa Democratic Republic of Congo (DRC).
Kini mao ang labing unang higayon sa kasaysayan sa ICC nga gibali sa Appeals Chamber ang usa ka conviction.
