CAGAYAN DE ORO CITY – Gipadumduman ni Eastern Mindanao Area Police Command commander Maj Gen Patrick Villacorta si PRO 10 regional director Brig Gen Lawrence Coop nga dili pa-porma apan pagsanong sa kamanduan sa nat’l programs sa PNP alang dinhi sa Northern Mindanao.
Kini ang hagit nga gipalanog ni Villacorta samtang gidawat ni Coop ang bag-ong tahas nga panguluhan ang rehiyon gumikan sa pagkabalhin ni kanhi PRO 10 regional director Brig Gen Benjamin Acorda aron magsilbing director sa Directorate for Intelligence sa Camp Crame.
Gusto niya nga ma-align ang mga programa sa PRO 10 aron mapasayon ang pagpatuman sa mga programa nga nag-sentro pagbungkag sa suliran sa insurhensiya ug terorismo sa nasud.
Samtang walay wad-on apan pun-an pa ang mga programa nga gipatuman ni Acorda aron mamintinar ang taas porsiento sa pagsalig sa katawhan dinhi sa rehiyon.
Kini ang mensahe ni Coop sa iyang pag-asyumar sa gikabatanteng puwesto ni Acorda sa turnover of command sa Camp Alagar kagahapong adlawa.
Gibutyag sa heneral nga giyera kontra ilegal nga droga ug pagdakop sa wanted persons ang kabahin sa iyang prioridad samtang panguluhan ang PRO 10.
Si Coop kinsa produkto sa PNPA Class of 1991 ang ‘hands-on’ sa operational matters sa PNP sa dihang sa NCR ug Luzon pa kini na destino kaniadto.
