Gipangayo ni Senador Ronald “Bato” dela Rosa ang proteksyon ni Presidente Ferdinand Marcos Jr human kumpirmadong nag-pagula na sa warrant of arrest ang International Criminal Court (ICC) batok kaniya.
Matod ni dela Rosa nga ang iyang hangyo dili lamang alang sa iyang kaugalingon kondili alang usab sa tanang mga Pilipino nga mamahimong mabutang sa susamang sitwasyon ilabi na nga gibuhat niya ang tanan para sa nasud.
Gipakita ni Dela Rosa ang iyang baroganan sa mga mithi sa Philippine Military Academy (PMA) nga kaisog, integridad, ug pagka-matinud-anon samtang hugot siyang naghangyo sa Presidente nga dili siya itugyan sa maong hukmanan sa The Hague, Netherlands.
