Nagpabiling dako apan kontrolado na ang sitwasyon sa gawas sa Delaney Hall Detention Center sa Newark, New Jersey human sa nahitabong bayolenteng engkwentro tali sa mga raliyesta ug kapulisan.
Tungod niini, dinaliang nagpatuman og curfew ang kagamhanan sa Newark sa palibot sa maong pasilidad aron mapugngan ang dugang kasamok.
Nanawagan usab og kalma si New Jersey Governor Mikie Sherrill samtang iyang gimandoan ang state police nga magtukod og mga “protest zones” aron maseguro ang kaluwasan sa publiko.
Giklaro sa gobernador nga balido ang mga mulo sa mga pamilya sa migrante, apan kinahanglan kining ipadayag sa malinawong pamaagi ug dili pinaagi sa kagubot.
Sa kasamtangan, nagpabiling naka-standby ang dugang puwersa sa kapulisan sa dapit samtang padayong gi-monitor ang seguridad sa tibuok siyudad. (jane abulag)
