Gikuwestiyon sa Kabataan Partylist Southern Mindanao kung nganong ang pondo nga gibubo sa National Task Force to End Local Communist Armed Conflict (NTF-ELCAC) nakapukos sa pagpangharas ug pagdakop sa aktibista.
Usa sa gihimong pananglitan ni Cobbie Jan Canda, chairperson sa Kabataan Partylist–Southern Mindanao Region (KPL-SMR), ang P8-Bilyon budget sa ahensya nga walay klaro ang programa ug proyekto ug wala kini makabenepisyo sa katawhan sa Pilipinas.
Gikuwestiyon usab ni Canda kung nganong kini nga pondo dili nila magamit sa mga krusyal ug dagkung security issues sama sa pagdakop kang Senador Ronald Bato dela Rosa nga daghan kaayo’g warrant.
Una niini, ang grupo nilang Canda nalista sa lookout bulliten sa PNP Cateel ug kini nagpasabot nga sila ang kasagarang gi-red-tag ug giingong konektado sa insurhensiya. Hinoon, nangayog pasaylo ang hepe sa Cateel PNP sa ilang na post sa ilang official facebook page.
