CAGAYAN DE ORO CITY – Gipangita karon sa nag-inusara nga armadong tulisan nga sunod-sunod mitulis sa duha ka convenience stores nga pulos nahimutang diha sa Brgy Carmen ning dakbayan.
Gibutyag ni Police Lt Lorenzo Ocon,deputy commander sa Carmen Police Station nga maoy gipangtulis sa ‘boy solo’ nga tulisan ang 7 Eleven sa JV Seriña St ug ang In & Out Store sa Macapagal Drive,pulos nahimutang sa maong brgy.
Nadala sa armadong tulisan ang 20-mil pesos cash gikan sa duha ka tindahan ayha kini misibat sa wala matino nga direksyon.
Apan nanganti ang mga otoridad nga dili undangan ang pagpangita sa tulisan aron pugngan nga makahimo na usab kini’g pagpanulis sa laing mga balay-patigayon ilabina nga magsaulog na sa kaspistahan ang dakbayan sulod ning semanaha.
