CAGAYAN DE ORO CITY – Nadakpan sa Philippine Drug Enforcement Agency o PDEA Northern Mindanao ang ika-7 sa top 10 most wanted drug target listed personality sa pagsilbi sa search warrant sa usa ka sa Sitio Balongis, Brgy. Balulang ning syudad kaganinang buntag.
Giila ni PDEA Agent Ben Calibre ang nasikop nga si Pidao Itomama kinsa maoy nalatid sa search warrant apan, migamit usab sa mga pangalang Jalila Tanggo ug Jalila Macapanton.
Unang nagpaila ang dinakpan nga ginang nga konektado sa Deparment of Social Welfare Office-10 ning syudad.
Narekober sa iyang gipanang-iyahang balay ang tulo ka dagko ug 6 ka gagmay nga pakete nga gidudahang dunay sulod nga shabu, lakip na ang iyang DSWD ug BIR ID.
Gibana-bana nga moabot sa P200,000 ang market value sa narekober nga ilegal nga druga.
