CAGAYAN DE ORO CITY – Giila nga best reporter of the year si Bombo Ann Quileste sa Bombo Radyo Cagayan de Oro sa giapilan niini nga 2019 Globe Media Excellence Awards nga gihimo sa Davao City kagabii.
Kini human gilupig sa ”The Verde Soko Garbage Controversy in the Philippines.A two-part documentary of Bombo Radyo News and Research Department” entry ang ubang entries nga kabahin sa gipilian alang sa News Report of the Year for Radio Category.
Nagsilbi usab nga finalist ang Bombo Radyo sa laing entry nga ‘Livelihood projects ug pabahay,gitunol sa rebel returnees sa Cabanglasan,Bukidnon’.
Gawas niini,nasakmit usab sa Bombo Radyo ang pagsilbing finalist sa Newsmaker of the Year diin giilugan sa dagkong radio networks nga dunay mga estasyonan nga nakabase sa Mindanao.
Dugtong niini,nagpasalamat ang Bombo Radyo sa maong mga pasidungog nga gihatag sa Globe ug gipasalig nga ibalik ang maong katungdanan pinaagi sa paghatag pa sa dugang serbisyo publiko alang sa katawhan nga gisilbihan dinhi sa rehiyon.
Dumduman nga sa miaging katuigan,nahimo usab nga finalist si Quileste sa unang mga pag-apil niini sa Globe Media Excellence Awards.
