Mubalik sa Pilipinas ang sikat nga K-pop boy group nga BTS para sa ilang gipaabot nga “BTS World Tour Arirang” karong Marso 13 ug 14, 2027.
Sumala sa ilang opisyal nga social media accounts, ang maong duha ka adlaw nga konsiyerto ipahigayon sa Philippine Sports Stadium sa Bulacan.
Aron mas bongga ang experience sa mga fans, mugamit ang organizer og usa ka 360-degree nga stage sa tunga sa venue nga duna pay upat ka diagonal catwalks sa matag suok sa stadium.
Ang presyo sa ticket magkantidad sa P7,500 paingon P25,000, apan magpatuman sila og limitasyon diin hangtod duha lamang ka ticket ang gitugot nga mapalit sa matag account.
