CAGAYAN DE ORO CITY – Gihagit sa liderato sa simbahang Katolika ang publiko nga duyog sa hubiliyo sa paglaum gamiton usab nila kini nga instrumento sa pagpili sa mga kandidtato nga dili mohimo kanila barato apan mohatag sa taas nga respeto.
Kini ang kabahin sa mensahe ni Most Reverend Jose Cabantan,DD.,arsobispo sa Arkidiyoseses sa Cagayan de Oro sa sumad sa pagkabanhaw ni Kristo nga gisaulog sa tibuok simbahang Katoliko kagahapong adlawa.
Miingon si Cabantan,usa sa ilang mga pag-ampo nga unta mohukom ang katawhan subay sa ensaktong gabayan sa pagbotar ngadto sa mga kandidato nga tuyo mokupot sa nagkadaiyang katungdanan gikan sa itaas padulong dinhi sa lokalidad.
Siya miingon nga unta nga sulod ning tuiga sa Jubillee of Hope,magamit sa katawhan ang ilang gahom sa pagpili sa mga kandidato nga dili gumikan sa kuwarta apan sa tinud-anay nga unod sa ilang mga plata-porma.
